Beauty
මුහුණේ ලස්සනට ආලේපන වගේම සුන්දර සිනහවත් අවශ්‍යමයි
යුවතියන්, කාන්තාවන් ලස්සන වෙන්න උත්සාහ දැරීමේදී, හැමවිටම උත්සාහ කරන්නේ මුහුණ ලස්සනට තබා ගැනීමටයි.
එහෙම සිතන ඔවුන්, මුහුණට ක්‍රීම් වර්ග ආලේප කරමින්, මේක්‌අප් එකක් කර ගන්නා අතර, ඒ තුළින් සියලු ලස්සන මතුවන බව සිතයි.
ඒත්... එය එහෙමද කියන කාරණාව හමුවේ මොහොතක්‌ සිතන්නට සිදුවන්නේ, ඇත්තටම ලස්සන වෙන්නේ කොහොමද කියන ප්‍රශ්නය මතුවන නිසාවෙනුයි.
ඔබ මුහුණ ලස්සනට තබා ගැනීමට වෙහෙසීමේ වරදක්‌ නැහැ. ඇත්තටම මුහුණ ලස්සනට තබා ගත යුතුයි.
ඕනෑම කෙනෙක් හඳුනා ගැනීමේ අනන්‍යතාවය තිඛෙන්නේ මුහුණේයි. යමෙකු පුද්ගලයාගේ මුලින්ම දකින්නේත් මුහුණයි. ඒ නිසාම අන් අයට ප්‍රසන්නව, අප්‍රසන්න නොවන ආකාරයට මුහුණ පිරිසිදුව පවිත්‍රව තබා ගැනීම ඉතාම අවශ්‍ය කාරණාවක්‌.
සිරුරේ වැදගත් අංග බොහොමයක්‌ තිඛෙන්නේ මුහුණේ බව අප දන්නා කරුණක්‌. නාසය, ඇස්‌ දෙක, මුඛය, කන් දෙක කියන මෙම වැදගත් අංගයන් මුහුණේ ලස්සනට එක්‌ කරන බලපෑම සුළු පටු නැහැ.
මුහුණ ලස්සන කර ගැනීමට වෙහෙසීමේදී අපට, දෙකන් අමතක කරන්නට බැහැ. ඒ වගේම ඇස්‌ දෙක, නාසය මෙන්ම මුඛය ගැනත් විශේෂ අවධානයක්‌ යොමු කළ යුතුයි.
ඔබ මුහුණ ක්‌ලීන් අප් කර, ෆවුන්ඩේෂන් එකක් ආලේපයෙන් මේක්‌අප් එකක් කර ගත්තාට ඔබේ ලස්සන මතු වුණා යෑයි ඔබේ විශ්වාසය නේද?
දෙනෙතට අයිශැඩෝ ආලේප කර දෙනෙත හැඩ කර ගන්නවා. එහෙම හැඩ කර ගත් දෙනෙතින් ඔබේ ලස්සන මතු කර ගැනීමට ඔබ, ඔබේ ඇස්‌වලින් සිනාසෙනවාද? දකින කෙනාට ප්‍රිය උපදවන ආකාරයේ බැල්මක්‌ ඔබේ දෙනෙත් තුළ තිඛෙනවාද?
මුඛය ගැනත් ඔබ වඩාත් සැලකිලිමත් විය යුතුයි. තොල් ආලේපන ගැල්වූවාට ලස්සන මතුවන්නේ නැහැ.
ඔබේ මුඛයෙන් දුගඳක්‌ මතුවෙනවා නම්, දත් අවපැහැ ගැන්වී නම් ඔබ ඒ පිළිබඳව අවධානය යොමු කර අවශ්‍ය ප්‍රතිකාර ලබා ගත යුතුයි.
ඊට අමතරව ඔබේ දෙතොලේ මතුවන ප්‍රසන්න සිනාව ඔබේ ලස්සන තවත් වැඩි කරන බව අමතක නොකළ යුතුයි.
දෙකන් පිළිබඳවත් අන්න ඒ ආකාරයෙන් සැලකිලිමත් විය යුතුයි. අනුන්ගේ ලසිතල නොරිදෙන ආකාරයට ලකටල ප්‍රවේශම් කර ගැනීම තුළින් ඔබ නොදැනීම ඔබේ ලස්සන තවත් වැඩිවනවා වගේම, හොඳින් ඇහුම්කන් දීම තුළින් ලස්සනට වටිනාකමක්‌ එක්‌ වන බව අමතක කරන්න එපා.
මුහුණ සුදු වෙන්න ක්‍රීම් ආලේපයම මදිවන අයුරු මේ තුළින් ඔබ තේරුම් ගැනීම තුළ, ඔබේ ලස්සනට ඔබ කෙසේ කටයුතු කළ යුතු දැයි නොදැන හෝ එම ගුණාංග අමතකව සිටි ඔබට එය නැවත මතක්‌වීම තුළ ලස්සන වැඩි කර ගැනීමට එය රුකුලක්‌ වනු ඇති.
මුහුණේ සම සහ සිරුරේ සම අතර විශාල වෙනසක්‌ ඇති අතර, මුහුණේ සම ඉක්‌මණින් කුරුලෑවලට ලක්‌වන සමකි. මුහුණේ සම ඉක්‌මණින් අඳුරු පැහැ වීමට, අව්වටට පිළිස්‌සීමට ලක්‌වන අතර, සැබැවින්ම මුහුණ පිළිබඳ වැඩි අවධානයක්‌ යොමු කිරීම අවශ්‍ය දෙයකි. එය අවිවාදයෙන් පිළිගත යුතු කරුණකි.
මුහුණ පිරිසිදු කිරීමට නියමිත ක්‍රම භාවිත කරමින්, මුහුණේ සමට ගැළපෙන ක්‍රීම් වර්ගයක්‌ භාවිතය මගින් මුහුණේ සම ආරක්‌ෂා කර ගැනීමට සැබැවින්ම උත්සාහ කළ යුත්තේ, ඒ තුළින් මුහුණේ ලස්සනට රුකුලක්‌ ලැඛෙන නිසාවෙනි.
curtesy :sithmalyaya.com
(under the courtesy of goodhousekeeping.lk web)
